Besser arm mit ehren / dann reich mit schanden.

Vnmüglich ists / bald reich zuwerden on an der leut schaden / darumb můß dasselbig reichthumb schendtlich sein. Es hetten etwa bei den Römern vnd alten Teutschen die wůcherer vierfeitige straff / vnd ein dieb nur zwifeltige. Jetz aber gilt es gleich / wer nur reich ist / er habe es mit ehren oder mit schanden erlanget. Bei vnsern vorfarn hiele mann thurnier vnd ander ritterspil / darein niemand reiten dorffte / er wer dann frei von allen offentlichen / aftern / als Ehebrüch vnd hürerei / sonderlich aber vom wücher vnnd kauffhandel / [79] Jetz ist das alles auß / vnnd mag ein ieglicher thun was in selbs gelustet.