8. Ad Lipsiam liberatam
O uno dominis biduo regnata duobus
Mœstamque et lætam, Lipsia, passa vicem!
Quis tibi bellacis cernenti robora sensus
Ferrea Tylliadis? terror et angor erat.
Quis, cum prospiceres victricia Saxonis arma,
Hostis et effugium? nil nisi plausus erat.
O plaudas longum, nec te meminisse dolores
Tam molles pigeat, gloria major erit.
Nam victrix volitat latum nunc fama per orbem:
Saxonis est Philyra, Tyllius at cecidit.