An Frau C. Laumeier in Freiburg
Wer so ne Liedli mache cha,
mueß selber schier en Immli si.
Es leit so zarti Zellen a
und treit so reine Hunig dri.
Nei, in der Stube chunnt's eim nit,
und in de Büechere lehrt me's nit.
Wo's Immli sini Stiefel chauft,
im Bluemeschooß si Chöpfli tauft,
dört findt me so scharmanti Sache;
und so ne Gmüetli zart und guet,
e frumme Sinn, e frohe Muet
cha's au zum nette Liedli mache.